Patuloy pa rin ang pagbuga ng Bulkang Taal ng mataas na lebel ng sulfur dioxide.
Batay sa ulat na inilabas ng Philippine Institute of Volcanology and Seismology (PHIVOLCS), as of 8am, pumapalo pa rin sa 3,355 tons ng sulfur dioxide ang ibinubuga ng bulkan.
Dahil dito, pinag-iingat ng ahensya ang publiko dahil maaari aniyang makaapekto sa kalusugan ang vog o volcanic smog mula sa mataas na antas ng sulfur dioxide.
Patuloy rin ang malakas na pagsingaw na umakyat sa 2,400 metro ang taas sa may bahagi ng Taal crater.
Nananatili pa rin naman sa Alert Level 1 ang bulkan at pinaalalahanan ang publiko na bawal pumasok sa 4-kilometer radius Permanent Danger Zone (POZ). | ulat ni Merry Ann Bastasa
