Kinumpirma ng pamunuan ng Philippine Reclamation Authority (PRA) na nananatiling libre ang toll fee sa bagong bukas na Segment 2 ng CAVITEX C5 Link Expressway.
Ayon sa PRA, libre pa ring makakadaan sa nasabing expressway ang motorista hanggang makapag-anunsyo ang Toll Regulatory Board (TRB) ng Notice to Start Toll Collection.
Ibig sabhin ang mga motorista na manggagaling ng Cavite at mag-exit sa Segment 2 ng C-5 Link at pabalik ay hindi kailangan magbayad ng toll fee.
Inaasahan ng PRA na libo-libong motorista ang makikinabang sa libreng toll.
Patunay anila ito ng pagpapakita ng suporta ng Marcos’ administration sa publiko sa pamamagitan ng vital infrastructure projects. | ulat ni Lorenz Tanjoco
