Lumakas pang lalo ang loob ng Commission on Elections na panindigan ang kanilang desisyon na i-disqualify ang Smartmatic sa bidding para sa pagkuha ng technology provider para sa 2025 Midterm Elections.
Ito’y matapos kasuhan ng Department of Justice sa Amerika ng paglabag sa Anti-Money Laundering si dating COMELEC Chairperson Andres Bautista.
Sinabi ni Garcia na unti-unting lumalabas ang mga ebidensya na nagkaroon ng suhulan sa mga opisyal ng COMELEC noong 2016 para paburan ang Smartmatic at igawad ang election contract ng Pilipinas.
Kasabay nito, kanyang tiniyak sa US DOJ na makikipagtulungan ang COMELEC para sa mga dokumento na kakailanganin sa kaso.
Katunayan, mayroon na daw mga kinatawan mula sa US DOJ ang nagtungo sa kanila na humihingi ng mga dagdag ebidensya para madiin sa kaso si Bautista.
Hindi naman tinukoy ni Garcia kung anong mga dokumento ang kanilang ibinigay sa US DOJ. | ulat ni Mike Rogas
