Nasa proseso na ang Department of Foreign Affairs (DFA) ng pagkansela sa pasaporte ni Alice Guo.
Ito ang kinumpirma ni DFA-OCA Passport Division Acting Director Von Ryan Pangwi sa pagdinig ng Quad Committee ng Kamara.
Aniya, sumulat sila sa Bureau of Immigration (BI) at National Bureau of Investigation (NBI) upang makumpirma kung ang biometrics ni Alice Guo sa passport data base ng DFA ay iisa sa biometrics na hawak ng NBI ni Guo Hua Ping.
Oras na makumpirma na iisa nga ito ay maaari na nilang kanselahin ang Philippine passport ni Guo.
Matatandaan na naglabas ng kautusan ang palasyo para kanselahin na ang pasaporte ni Guo kasama ang dalawang kapamilya gayundin ang pasaporte ni Cassandra Li Ong.
Pinapakansela ang pasaporte ni Guo dahil sa false application. | ulat ni Kathleen Jean Forbes
