Kinilala ng Department of National Defense (DND) ang lahat ng Pilipinong nagsakripisyo para sa ating bansa sa kanilang walang kapantay na dedikasyon at pagmamahal sa bayan.
Ito ang mensahe ni DND Secretary Gilbert Teodoro sa pagdiriwang ng National Heroe’s Day ngayong araw.
Ayon kay Sec. Teodoro, mula ito sa mga bayani ng nakaraan hanggang sa mga makabagong bayani sa kasalukuyan na patuloy na naglilingkod at nagtatanggol sa ating bansa.
Sinabi ni Teodoro na ang kanilang pambihirang tapang ay dapat magsilbing inspirasyon sa lahat ng Pilipino para sa isang bansa na malaya at masagana. | ulat ni Leo Sarne
