Nanindigan si Department of Social Welfare and Development (DSWD) Secretary Rex Gatchalian na walang pinipiling tulungan ang DSWD.
Ito ay sa gitna ng naging pahayag ni Vice President Sara Duterte na may mga tinatanggihan ang DSWD na tulungan na kanilang inendorso dahil aniya sa politika.
Giit ni Gatchalian, makikipag-ugnayan siya sa tanggapan ng
OVP upang mabigyang linaw kung ano ang nangyari at maimbestigahan.
Ngunit paalala ng kalihim, may referral man o wala ang
lalapit ay tutulungan ito ng mga social worker.
Nilinaw din ni Gatchalian, na lahat ng manghihingi ng tulong
ay dadaan sa masusing validation ng mga social worker. | ulat ni Kathleen Forbes
