Kailangang gumulong ng hustisya.
Ito ang pahayag ni Executive Secretary Lucas Bersamin sa gitna ng ginagawang paghahanap kay Kingdom of Jesus Christ Founder Pastor Apollo Quiboloy.
Sa ambush interview sa Taguig City, nahingan ng reaksyon ang kalihim kaugnay sa mga alegasyon na politically motivated ang ginagawang paghahanap ngayon sa pastor.
“Alam mo, madaling sabihing politically motivated pero hindi naman totoo ‘yun,” —ES Bersamin.
Sabi ng kalihim, mayroong legal na paraan o batas na sinusunod kaugnay dito.
“The law must take its course. He is answerable to the law, the law must take its course. Meron namang process dyan.” -ES Bersamin
Kung matatandaan, pinaghahanap ngayon si Quiboloy dahil sa reklamong may kinalaman sa human trafficking. | ulat ni Racquel Bayan
