Mismong si Government Service Insurance System (GSIS) General Manager at President Wick Veloso ang humimok sa government employees na makiisa sa kanilang programa na magpapagaan sa pagbabayad ng loans ng mga miyembrong hindi updated sa monthly payment.
Ayon kay Veloso, kailangan lang makipag-ugnayan ng mga miyembro o pensioner sa kanilang customer service team, bumisita sa website o kahit saang branches sa buong Pilipinas para mag apply.
Handa aniyang umasiste ang kanilang mga dedikadong tauhan para makapagbigay ng personalized support.
Ayon sa GSIS, para makapag apply sa loan restructuring program ang mga aplikante ay kailangang magsumite ng duly accomplished form kasama ang photocopy ng kanilang GSIS ID, Phil ID, passport, o kahit anong dalawang valid government-issued IDs. | ulat ni Lorenz Tanjoco
