Ipinahayag ni Parañaque City Mayor Eric Olivares na bilang punong lungsod ay adhikain niya ang mabigyan ng trabaho ang bawat Parañaqueño.
Dahil dito ay personal na pinangunahan ng alkalde ang mini job fair sa Sampaguita Covered Court Barangay Sto. Niño.
Ito aniya ay naging posible dahil na rin sa pakikipagtulungan sa kanilang Public Employment Service Office (PESO) sa pangunguna ni Amie Martin katuwang ang Department of Labor and Employment (DOLE).
Nasa 22 kumpanya ang lumahok upang mabigyan ng trabaho ang mga daan-daang mga aplikante.
Kaugnay nito ay tiniyak ng lokal na Pamahalaang Lungsod ng Parañaque na patuloy na magbababa ito ng mga kahalintulad na programa para sa mga Parañaqueños. | ulat ni Lorenz Tanjoco
