Katuwang ang Quezon City government, magsasagawa ng “LAB FOR ALL: Laboratoryo, Konsulta, at Gamot para sa Lahat!” ang tanggapan ni First Lady Liza Araneta-Marcos sa Quezon City Hall ngayong araw.
Pangungunahan ito mismo ni First Lady Liza Araneta-Marcos at ni Mayor Joy Belmonte.
Iba’t ibang serbisyong medikal ang iaalok sa Lab for All kasama ang libreng check up, blood test, labtest, at gamot.
Kaugnay nito, una na ring tumanggap si Mayor Joy Belmonte ng mga hospital equipment at supplies na donasyon mula sa unang ginang para sa Quezon City General Hospital (QCGH).
Bahagi ng donasyon ang tatlong air conditioners, 10 infrared lamps, tatlong medical beds, at tatlong drip infusion controller na gagamitin para sa mga pasyenteng nasa Intensive Care Unit. | ulat ni Merry Ann Bastasa
