Nagdulot ng pagbigat sa daloy ng trapiko sa ilang kalsada sa Quezon City ang malakas na buhos ng ulan ngayong umaga.
Kabilang dito ang kahabaan ng Quezon Avenue papasok ng Welcome Rotonda kung saan pinapadaan na muna sa mga alternatibong ruta ang mga motorista para makaiwas sa trapiko.
Sarado rin ang papasok ng España dahil sa ‘Unity Walk’ ng pro-modernization transport groups.
Una nang nagpalabas ng Thunderstorm Advisory ang PAGASA kung saan katamtaman hanggang sa malalakas na pag-ulan ang inaasahan hindi lang sa Metro Manila, kundi sa Zambales, Rizal, Laguna, Quezon, Nueva Ecija, Tarlac, Bulacan, at Pampanga. | ulat ni Merry Ann Bastasa
