Panahon na para seryosong timbangin ng Pilipinas ang sinseridad at good faith ng China sa pakikibahagi sa bilateral consultative mechanism (BCM) sa ating bansa.
Ito ang pahayag ni Senate Majority leader at Senate Special Committee on Admiralty Zones Chairman Senador Francis Tolentino matapos banggain ng Chinese Coast Guard (CCG) ang dalawang sasakyang pandagat ng Philippine Coast Guard (PCG) malapit sa Escoda Shoal na nagresulta pagkakapinsala ng mga barko ng PCG.
Binigyang diin ni Tolentino na hindi katanggap-tanggap ang ganitong acts of agression ng China at kailangang itong pigilan agad.
Nanawagan rin ang senador sa China na respetuhin ang sovereign rights ng China at sumunod sa international maritime law.
Kinondena rin ni Senadora Grace Poe ang iresponsableng aksyon na ito ng China sa loob ng teritoryo ng Pilipinas.
Giniit ni Poe na ang pinsalang dinulot ng CCG sa ating mga barko ay naglagay sa panganib sa buhay ng tropa ng Pilipinas.
Kasabay nito, hinikayat rin ni Poe ang mga kinauukulang ahensya ng gobyerno na paigtingin ang maritime security cooperation sa mga kaalyado at kapitbahay nating bansa na kapareho nating naniniwalang nasa panig natin ang international law.| ulat ni Nimfa Asuncion