Nagsasagawa na ng imbestigasyon ang Philippine Coast Guard (PCG) sa naging sanhi ng pagbangga ng isang motor tanker sa ginagawang Davao-Samal Bridge.
Ito’y matapos makatanggap ng tawag ang PCG mula sa contractor ng naturang tulay para i-report ang nasabing insidente kahapon.
Sa inisyal na imbestigasyon ng PCG, binangga ng MT Toni Dominique 11 ang isang structure ng nasabing tulay habang lulan nito ang 930 metric tons ng coconut oil.
Agad namang sinuri ng Maritime Safety Services Unit ng PCG ang lugar pero nag-negatibo sa anumang oil spill.
Ngunit ang ginagamit na temporary steel bridge ng mga trabahador ng naturang proyekto ay naapektuhan ng pagbangga. | ulat ni Mike Rogas
📸: PCG