Na-hack ang official X account o dating Twitter ng Department of Finance (DOF).
Sa official statement ng DOF, sinabi nito na na-compromise ang kanilang X account na @DOF_PH at kasalukuyang hindi na ma-access.
Nagbabala din ito sa publiko na iwasan na i-click ang links sa naunang nai-post nito.
Sa ngayon ay mayroon nang bagong X account ang kagawaran ang @dofgovph.
Nanawagan din ang DOF, na i-disregard ang ano mang post ng kanilang dating X account habang dini-delete ang kanilang account.
Tiniyak din ng kagawaran ang kanilang isinasagawang security sa kanilang mga digital platform.
Anila, magpapatupad sila ng additional measures upang maiwasan nang maulit ang insidente.
Humingi rin ng paumanhin ang DOF sa publiko sa anumang kalituhan na naidulot ng hacking. | ulat ni Melany Valdoz Reyes
