Muling aarangkada sa Lungsod ng Navotas ang P29 Rice Program ng Department of Agriculture (DA) simula Agosto 29 hanggang 31, 2024.
Sa abiso ng Navotas City Local Government, asahan ang bentahan ng murang bigas na P29 kada kilo ay gagawin maghapon sa Barangay NBBN Covered Court.
Paalala ng LGU, prayoridad na makabili ng murang bigas ang 4Ps beneficiaries, senior citizens, solo parents at persons with disabilities.
Ipapatupad ng LGU ang “First come, First Served” Policy para sa 500 slots kada araw.
Ang P29 Rice Program ay handog ng DA bilang pakikiisa sa panawagan ni Pangulong Ferdinand R. Marcos Jr. para tugunan ang pagtaas ng presyo ng bilihin at ang food security. | ulat ni Rey Ferrer
