Hihilingin ng Bagong Pilipinas Serbisyo Fair National Secretariat sa Kongreso na bumalangkas ng panukalang batas para ma-institutionalize ang Bagong Pilipinas Serbisyo Fair.
Ayon kay House Deputy Secretary General Safonias Gabonada Jr., umaasa sila na susuportahan ni Pangulong Ferdinand R. Marcos Jr. at Speaker Martin Romualdez ang Bagong Pilipinas Bill.
Sa pamamagitan nito ay magtatatag ng Bagong Pilipinas Serbisyo Centers at Tulong Center sa lahat ng probinsya na magsisilbing one stop shop ng lahat ng government agencies.
Layon din nito na magtatag ng mekanismo sa tamang implementasyon ng mga magkakaugnay na government services upang hindi na mahirapan ang taumbayan sa pagkuha ng mga serbisyo at programa ng gobyerno.
Ayon kay Gabonada sa pag ikot mg BPSF sa mga probinysa, ang madalas na pilahan ay ang financial assistance, health services, at medical services. | ulat ni Kathleen Forbes
