Nagpaabot ng pagbati ang National Security Council (NSC) at ang National Task Force to End Local Communist Armed Conflict (NTF-ELCAC) sa pagkapanalo ng dalawang ginto ni Carlos Yulo sa Paris Olympics.
Sa inilabas na pahayag ng NSC at NTF-ELCAC, ang pagkapanalo ni Yulo ay magsisilbing simbulo ng pagkakaisa, pagsisikap at ang hindi matatawarang pag-abot sa pangarap ng mga Pilipino.
Isa rin anila itong patotoo ng hindi matitinag na katatagan, determinasyon, at mag-aangat sa Pilipinas sa pandaigdigang pedestal.
Magsisilbi rin anilang inspirasyon ng bawat Pilipino at maituturing na napakahalagang bahagi ng pagkakakilanlan ng mga Pilipino ang tagumpay ni Yulo. | ulat ni Jaymark Dagala
