Pansamanatalang suspendido ang mga transaksyon sa pagkuha ng lisensya at rehistro ng baril ngayong araw sa Camp Crame dahil sa Special Non-working holiday sa Quezon City.
Sa abiso ng Philippine National Police (PNP), hindi muna sila tatanggap ng aplikasyon para sa Permit To Carry Firearms Outside Residence (PTCFOR) ngayong araw.
Kasama rin dito ang bago at renewal ng aplikasyon para sa lisensya at rehistro ng baril.
Babalik sa normal na operasyon ang PTCFOR Secretariat Office bukas, August 20.
Samantala, bukas naman ang ibang unit ng PNP para sa pagtanggap ng mga reklamo at iba pang serbisyo. | ulat ni Leo Sarne
