Piling estudyante mula sa pamilya ng mga mangingisda sa Navotas, bibigyan ng scholarship ng LGU

May pagkakataon nang maging iskolar sa Navotas Polytechnic College ang mga estudyanteng Navoteño mula sa mga pamilyang mangingisda.

Kasunod ito ng nilagdaang Memorandum of Agreement ng Pamahalaang Lungsod ng Navotas sa naturang kolehiyo para sa Ulirang Pamilyang Mangingisda Scholarship.

Sa ilalim nito, 10 estudyante ang pipiliin mula sa registered fisherfolk na bahagi ng Top 10 Most Outstanding Fisherfolk search.

Makatatanggap ang bawat fisherfolk scholars ng ₱16,500 transportation at food allowance, at ₱1,500 book stipend per academic year. | ulat ni Merry Ann Bastasa