Matagumpay na naisagawa ng Quezon City Jail Male Dormitory at Commission on Elections (Comelec) ang special voters’ registration sa mga Person Deprived of Liberty (PDLs).
Ayon kay Quezon City Jail Warden JSupt Warren Geronimo, kabuuang 534 na PDL ang nairehistro bilang mga botante ng lungsod Quezon.
Bago ang voters’ registration, inihanda na ng jail facility ang lahat ng requirements at dokumento para sa parating na voters registration ng PDLs.
Mula sa filing sa COMELEC registration forms at sa paghahanda ng Certificate of Detention ng bawat PDL, para matiyak na lahat ng qualified registrants ay mapagsilbihan sa kabila ng limitadong schedule ng registration. | ulat ni Rey Ferrer
