Sang ayon at suportado ni Senate President Chiz Escudero ang bagong estratehiya na ipapatupad ng Philippine National Police (PNP) sa paglaban sa illegal na droga, kung saan pangunahing tututukan ay ang pagbuwag sa drug supply chain sa halip na malilit o street level pusher at user ang pag initan.
Ayon kay Escudero, sa simula pa lang ay dapat itinuon na ang pansin ng war on drugs sa supply chain lalo na’t galing sa ibang bansa ang raw materials ng shabu at cocaine.
Pinunto ng senate president, na dati na niyang kinukwestiyon kung bakit mga maliliit lang na drug pusher ang nahuhuli at walang malaking drug lord ang naaaresto.
Sakali aniyang magtagumpay ang gagawin ng PNP ay tiyak nang hihina o bababa ang suplay ng ilegal na droga at tataas ang presyo nito. | ulat ni Nimfa Asuncion
