Tuluyan nang sinibak sa pwesto ng Office of the Ombudsman si suspended Bamban, Tarlac Mayor Alice Guo.
Sa inilabas na desisyon ni Ombudsman Samuel Martirez, napatunayang guilty si Guo sa kasong grave misconduct na inihain laban sa kanya.
Bukod sa dismissal pinababawi din ang lahat ng kanyang retirement benefits at hindi na maaaring makapanungkulan pa sa government service.
Bukod kay Guo, napatunayan ding guilty sa kasong conduct prejudicial to the best interest of the service ang ilan pang opisyal ng Bamban LGU.
Pinatawan ng tatlong buwang suspensiyon sina Edwin Campo, Adenna Sigua, Leonardo Anumciacion, Johny Sales, Jayson Galang, Nikko Balilo, Ernesto Salting, Jose Andrei Lacsamana at Rainier Rivera. | ulat ni Rey Ferrer
