Itinanggi ni dating Mayor Alice Guo na may relasyon sila ni Sual, Pangasinan Mayor Liseldo ‘Dong’ Calugay.
Sa pagdinig ng Senate Committee on Women, sinabi Guo na kaibigan lang niya si Calugay at hindi boyfriend.
Natanong rin ni Senate President Pro Tempore Jinggoy Estrada sa dating alkalde ang tungkol sa ‘Alisel Aquafarm’ sa Sual, Pangasinan na nakarehistrong pagmamay-ari ng sinasabing kapatid niyang si Shiela Guo.
Pinahiwatig kasi ni Estrada na ang pangalang ‘Alisel’ ay maaaring pinagsamang pangalang Alice at Liseldo.
Pero ayon kay dating Mayor Alice, wala siyang ganitong farm.
Nagkaroon lang aniya ng proposal na magtayo ng isang Aquafarm at inaming binalak nilang sa Sual, Pangasinan ito ipatayo.
Gayunpaman, hindi aniya kasama sa plano si Calugay, hindi niya maalala ang pangalan ng farm at kung natuloy pa ba ito.
Una nang pinatawan ng subpoena ng Senate panel si Mayor Calugay dahil sa pangalawang pagkakataon ay hindi ito muli dumalo sa hearing ng Senado.| ulat ni Nimfa Asuncion
