Kasunod ng kontrobersiya na kinasasangkutan ng Chinese spy na si She Zhijiang at ang sinasabing kasabwat nitong si dismissed Bambam, Tarlac Mayor Alice Guo, nanawagan si Defense Secretary Gilberto Teodoro Jr. na panahon na para baguhin ang “Espionage law” ng Pilipinas.
Ayon kay Teodoro, hindi na mahalaga kung totoong spy si Guo o hindi. Ang mas mahalaga ay maamyendahan ang batas upang maparusahan ang sino mang mapatutunayang nang-eespiya, kahit wala tayong giyera.
Sa ngayon kasi, ang “Espionage law” ng bansa ay maaari lamang gamitin kapag may digmaan.
Paliwanag ni Teodoro, dapat maparusahan ang “espionage” kahit sa panahon ng kapayapaan upang masugpo ang ganitong mga aktibidad na nakasisira sa seguridad ng bansa.
Nilinaw din ni Teodoro, na hindi Pilipino si Guo at peke ang mga dokumentong ginamit nito. Dagdag pa ng kalihim na si Guo ay kasabwat sa malawakang “illegal enterprise” na pinagmumulan ng iba’t ibang krimen. | ulat ni Diane Lear
