Tiniyak ni Finance Secretary Ralph Recto na tutugunan ng kanyang tanggapan ang pagsugpo ng pagbebenta ng illegal vape products sa merkado.
Sa kanyang pulong kasama si Japan Tobacco International (JTI) General Manager John Freda at ilang matataas na opisyales ng kumpanya, pinag-usapan ang mga paraan upang labanan ang ipinagbabawal na kalakalan ng tabako at mabuo ang regulasyon sa vape products.
Ayon naman GM Freda, handa silang makipagtulungan sa Department of Finance (DOF) sa pagbalangkas ng patakaran upang pigilan ang paglipana ng illegal vape products.
Handa rin ang Japanese company na suportahan ang health agenda ng gobyerno at revenue collection efforts.
Una nang inihayag ni Recto ang kanyang suporta sa Department of Trade and Industry na panandaliang suspendihin ang lahat ng online selling ng vape products.
Nais niyang siguruhing ligtas ang mga ito, at tama ang ibinabayad at nakokolektang buwis. | ulat ni Melany Valdoz Reyes
