Tiniyak ni Migrant Workers Secretary Hans Leo Cacdac na nakatakda na ring umuwi sa Pilipinas ang iba pang mga Pilipinong biktima ng human trafficking sa Laos.
Ayon kay Secretary Cacdac, inaayos na rin nila ang flight pauwi sa Pilipinas ng naturang mga Pilipino.
Ang naturang mga Pilipino ay unang nasagip mula sa pinapasukan nilang illegal companies sa Laos.
Nauna naman nakauwi sa Pilipinas ang 52 biktima.
Sila ay mula sa kabuuang 75 Pinoys na nakasama sa crackdown operation ng Laos authorities. | ulat ni Diane Lear
