Umabot na sa ₱3.9-million ang inisyal na halaga ng pinsala sa mga pasilidad ng electric cooperatives bunsod ng hagupit ng bagyong Enteng.
Sa latest power monitoring report ng National Electrification Administration (NEA), mayroon pang 13 electric cooperatives (ECs) mula sa 13 lalawigan ang naapektuhan ng bagyo.
Normal naman ang operasyon ng pitong apektadong ECs bagamat mayroong anim na power coop nakaranas ng partial power interruptions.
Kaugnay nito, bumaba na rin sa 56,000 ang bilang ng apektadong consumer connections bunsod ng bagyo. | ulat ni Merry Ann Bastasa
