Patuloy ang banta ng malakas na ulan sa ilang lalawigan sa Luzon dahil sa epekto ng bagyong Enteng.
Sa 5am Heavy Rainfall Warning na inilabas ng PAGASA, nakataas ang Orange Rainfall Warning sa Quezon kung saan malaki ang banta ng pagbaha.
Nasa ilalim naman ng Yellow Rainfall Warning ang Laguna, Rizal, at Batangas kung saan pinag-iingat sa baha ang mga nasa flood prone areas.
Samantala, inaasahan namang magpapatuloy rin ang mahina hanggang katamtamang ulan sa bahagi ng Nueva Ecija, Bataan, Pampanga, Tarlac, Zambales, Bulacan, Cavite, at Metro Manila. Ito ay tatagal ng tatlong oras.
Pinapayuhan ang publiko na manatiling nakaantabay at alerto sa banta ng mga pag-ulan at pagbaha. | ulat ni Merry Ann Bastasa
