Inaasahang magpapatuloy ang malalakas na pag-ulan sa Metro Manila sa mga susunod na oras.
Kasunod ito ng inilabas na Heavy Rainfall Warning ng PAGASA kung saan isinailalim sa Orange Warning Level ang Metro Manila, Zambales, at Bataan.
Sa ilalim nito, matindi ang pag-ulan sa loob ng isang oras at susunod pang dalawang oras.
Samantala, nasa Yellow Warning naman ang Tarlac, Cavite, Rizal, Bulacan, at Pampanga.
Sa ngayon, nakakaapekto na rin ang pag-ulan sa Quezon, Batangas, Laguna, at Nueva Ecija na maaaring tumagal ng tatlong oras. | ulat ni Merry Ann Bastasa
