Sa ginanap na pagpupulong ng National Economic and Development Authority (NEDA) Board, inaprubahan ang pagsasama ng mga Kalihim ng Department of Agriculture (DA) at Department of Education (DepEd) bilang mga miyembro ng board.
Ang desisyong ito ay pinangunahan ni Pangulong Ferdinand R. Marcos Jr., na siya ring Chairperson ng NEDA Board.
Layon ng hakbang na ito, na bigyang-diin ang mahalagang papel ng agrikultura at edukasyon sa pagkamit ng seguridad sa pagkain, at pagpapalakas ng labor force sa bansa.
Sa pamamagitan ng pagpapalawak ng NEDA Board, inaasahan na magiging mas komprehensibo at epektibo ang pagpaplano at pagpapatupad ng mga programang alinsunod sa 8-Point Socioeconomic Agenda ng administrasyon. | ulat ni Diane Lear
