Hindi dapat agad na gumagawa ng konklusyon kaugnay sa karamdaman o kalusugan ng isang indibidwal na nakasuot ng facemask.
Pahayag ito ni Health Secretary Ted Herbosa, makaraang makuhanan ng larawan si Pangulong Ferdinand R. Marcos Jr. na nakasuot ng facemask sa sectoral meeting sa Malacañang nagyong araw, September 17.
Paglilinaw ng kalihim, nakita niyang maayos na nagampanan ng Pangulo ang kaniyang mga pulong at aktibidad, kaya’t malinaw na walang karamdaman si Pangulong Marcos.
“From my perspective as a Physician, the president performed all his duties today and is well and not “under the weather” as earlier surmised.” — Sec Herbosa.
Katunayan, ayon sa kalihim, buong araw niyang kasama ang Pangulo, habang dumadalo ito sa dalawang pulong.
Aniya, isang beses lamang niyang nakitang nakasuot ng facemask ang Pangulo, at sa isang casual conversation pa.
“I was with the president the whole day as he conducted two meetings in the morning. I only saw him wear a face mask after the meeting and in a casual conversation with one of the secretaries after the meeting. I also saw him later in two other meetings where he delivered a speech and conducted a meeting without use of a face mask.” —Secretary Herbosa.
Sabi ng kalihim, lahat naman ay maaaring magsuot ng facemask, at hindi dapat basta na lamang bigyan ng medikal na kahulugan ang pagsusuot nito.
“We should not be hastily concluding any diagnosis for anyone who wants to wear a face mask.” —Sec Herbosa. | ulat ni Racquel Bayan
