Pinabulaanan ni Pangulong Ferdinand R. Marcos Jr. ang mga kumakalat na balita tungkol sa kanyang kalusugan at mariing sinabi na ito ay isang uri ng “fake news.”
Ipinunto ng Pangulo, na wala siyang ano mang senyales ng sakit at hinikayat ang publiko na maging maingat sa ganitong mga uri ng impormasyon, maliban na lang kung ito ay galing sa mapagkakatiwalaang mga source.
Ikinagulat din umano ng Pangulo ang mga bali-balita, at binanggit na nagkaroon siya ng produktibong araw nitong mga nakaraan na kinabibilangan ng mga pulong at isang command conference, gayundin ang paggugol sa pagbabasa nito ng briefings at pagsasagawa ng paperworks.
Tiniyak ng Pangulo sa publiko, na nasa mabuti siyang kalusugan, walang sipon, at walang ano mang problema sa kanya habang nagpapasalamat naman ito sa kanilang pag-aalala. | ulat ni EJ Lazaro
