Pinatitiyak ngayon ni Senior Citizen Party-list Representative Rodolfo Ordanes na maibibigay pa rin ang National IDs ng mga senior citizen matapos kanselahin ng Bangko Sentral ng Pilipinas (BSP) ang kontrata ng ID supplier para sa Philsys.
Giit niya marami pa ring mga lolo at lola ang hindi pa natatanggap ang kanilang physical National ID.
Nangamgamba rin ang mambabatas na makompromiso ang mga datos na hawak ng binitiwang contractor.
Giit niya, kahit nakansela na ang kontrata, dapat ay tiyakin ng Philippine Statistics Authority, Bangko Sentral ng Pilipinas, at iba pang PhilSys ID implementing agencies na maibigay na ang pisikal at electronic national ID ng mga senior citizen.
Kinansela ng BSP ang kontrata nito sa supplier ng National ID card dahil sa pagkabigo umano na kumpletuhin ang raw materials para sa national ID cards kahit binigyan na ng palugit. | ulat ni Kathleen Jean Forbes
