Nagpasalamat ang Philippine Navy sa France sa kanilang suporta sa Pilipinas sa West Philippine Sea.
Ito ang ipinaabot ni Phil. Navy Vice Commander, Rear Adm. Jose Ma. Ambrosio Ezpeleta kay Defense Attaché of France to the Philippines, Capt. Stephan Litzler, sa introductory call ng huli sa Phil. Navy Headquarters, kahapon.
Sa pagpupulong ng dalawang opisyal, tinalakay ang mga planong panghinaharap sa pagitan ng mga pwersa ng dalawang bansa, partikular sa larangan ng modernisasyon at Maritime Cooperative Activities (MCA).
Sinabi ni Rear Adm. Ezpeleta na inaasahan ng Phil. Navy ang mga susunod pang interaksyon sa French Navy. | ulat ni Leo Sarne
