Idi-deploy ng National Government ang tatlong Level 1, medical teams ng Pilipinas na internationally verified.
Ibig sabihin, pumasa sa itinakdang standards ng World Health Organization (WHO) ang mga ito at kumpleto sa WASH Facility o water, sanitation, at hygiene facility, para sa outpatient care.
“This is a 30-man team, with WASH facility for oupatient care. I plan to deploy one in Bicol, the other one in Northern and Central Luzon, para ready to deploy our healthcare.” -Sec Herbosa
Sa NDRRMC briefing ngayong araw (October 23) na pinangunahan ni Pangulong Ferdinand R. Marcos Jr., sinabi ni Health Secreatary Ted Herbosa na binubuo ng 30 medical personnel ang team na ito.
Idi-deploy ito sa Bicol, Northern, at Central Luzon. Kung matatandaan, ang Pilipinas ang unang bansa na kinilala ng WHO na mayroong tatlong team, sa isang beripikasyon lamang.
“Ano ‘yun, first country po tayong na-recognize ng WHO with three teams in one verification. Limang taon na po nating tina-trabaho ‘to and then the first team, actually, already was deployed in Turkey during the earthquake a few years ago, so it’s a international verification, gamitin ko na for our national.” -Sec Herbosa. | ulat ni Racquel Bayan
