Pinasalamatan ng Supreme Court (SC) ang pagsasabatas para sa dagdag na pitong mga korte sa Metro Manila at Quezon Province.
Ayon sa SC, welcome sa kanila ang dagdag na korte upang mapabilis ang pagresolba ng mga kaso.
Sa ilalim ng Republic Act No. 12025, itatayo ang tatlong Regional Trial Court sa Muntinlupa City habang sa ilalim ng Republic Act No. 12026 ay itatayo ang apat na Regional Trial Court sa Calauag Quezon Province.
Kapwa naging ganap na batas ang pagtatayo ng mga dagdag na korte noong Oktubre 9 nang kasalukuyang taon, matapos itong pirmahan ni Pangulong Bongbong Marcos Jr. | ulat ni Michael Rogas
