Nagsimula nang maghanda ang Caloocan LGU para sa nalalapit na paggunita ng Undas.
Sa pangunguna ng City Environmental Management Department (CEMD) at Public Safety and Traffic Management Department (PSTMD), sinimulan na ang clean-up operations sa iba’t ibang sementeryo sa lungsod.
Ayon kay Mayor Along Malapitan, layon nitong tiyakin na maaliwalas at malinis ang mga sementeryo para sa mas maayos, taimtim, at payapang pagbisita ng mga kababayan sa kanilang yumaong mahal sa buhay.
Kasunod nito, nagpasalamat ang alkalde sa CEMD at PSTMD para sa maagang paghahanda sa #Undas2024. | ulat ni Merry Ann Bastasa
