Tuloy tuloy na ang pagdating ng mga kandidatong naghahain ng Certificate of Candidacy para sa 2025 Midterm Elections dito sa Amoranto Sports Complex
As of 11am, nasa siyam na kandidato na ang naghain ng COC na karamihan ay mga incumbent na konsehal.
Kabilang dito sina Dist 2 Coun. Mikey Belmonte, Dist 5 Coun. Alfred Vargas, Dist 1 Coun. Charm Ferrer, Dist 3 Coun. Doc Gelern Lumbad, Dist 1 Coun. TJ Calalay, Dist. 1 Coun. Bernard Herrera, Dist. 1 Coun. Doray Delarmente, at Dist 2 Coun. Dave Valmocina
Naghain din ng kanyang COC sa pagkakonsehal ang first time candidate na si Gabriel Atayde na pinsan ni Cong. Arjo Atayde.
Ang mga konsehal na ito ay bahagi ng Serbisyo sa Bayan o SBP Party na partido rin ni QC Mayor Joy Belmonte.
Inaasahan namang mamayang alas-12 ng tanghali ay darating na rin si Mayor Joy Belmonte para maghain ng kanyang COC sa pagtakbo muli bilang alkalde ng lungsod. | ulat ni Merry Ann Bastasa
