Kasabay ng paghahatid ng relief goods at tubig ng Ako Bicol party-list sa Donsol, Sorsogon ay nanawagan ang principal ng Brgy. Banuang Gurang Elementary School ng tulong.
Ipinaabot ni Principal Shirley Warde sa team ng Ako Bicol ang hiling na volunteers para makatuwang nila aa paglilinis ng kanilang eskuwelahan na nalubog sa putik.
Kailangan din aniya ng repair sa mga silid aralan dahil bumagsak ang mga kisame, bukod pa sa mga bagong learning modules at kagamitan na binaha.
Kailangan din sa naturang barangay ng heavy equipment para malinis ang kanilang mga kalsada, paaralan, barangay hall at daycare center mula sa mga naiwang makapal na putik. | ulat ni Kathleen Forbes
