Umabot na sa 52 ang mga nakapaghain ng kanilang Certificate of Candidacy (COC) sa pagka-district representative sa National Capital Region (NCR) sa nakalipas na anim na araw.
Ito’y ayon sa datos ng Commission on Elections (COMELEC-NCR).
Lagpas na ito sa kalahati ng bilang ng mga naghain ng kandidatura noong 2022.
Nagpaalala naman muli si COMELEC-NCR Assistant Regional Election Director Atty. Jovencio Balangquit sa mga kakandidato na huwag nang hintayin ang huling araw ng filing ng COC.
Lalo na aniya para sa mga kakandidato na walang political parties upang maiwasang magka-aberya sa mga dokumento na kanilang isusumite.
Bukas, October 8, ang huling araw ng filing ng COC. | ulat ni Kathleen Jean Forbes
