Nangako ng kanilang buong suporta ang hanay ng Philippine National Police (PNP) sa pamumuno ni dating Cavite Governor Jonvic Remulla bilang bagong kalihim ng Department of the Interior and Local Government (DILG).
Ayon kay PNP Public Information Office Chief, PBGen. Jean Fajardo, subok na ang karanasan ng bagong kalihim para pamunuan ang kagawaran bilang isang local chief executive.
Kaya naman kumpiyansa ang PNP na magagampanan ni Sec. Jonvic ang bagong tungkuling ipinagkatiwala sa kaniya ni Pangulong Ferdinand R. Marcos Jr.
Binigyang diin pa ni Fajardo na ibibigay din ng PNP ang suportang kanilang ibinigay sa mga nakalipas na kalihim ng DILG.
Ngayong araw, isasagawa ang turnover cermony sa punong tanggapan ng DILG sa Quezon City. | ulat ni Jaymark Dagala
