Nanawagan si Pasig mayoralty aspirant Sarah Discaya kay incumbent Pasig City Mayor Vico Sotto na lumagda sa isang peace covenant para sa mapayapa at patas na Halalan 2025.
Ginawa niya ito bilang tugon umano sa mga lumalabas na isyu at paninira laban sa mga kandidato ngayong nalalapit na ang eleksyon.
Ayon kay Discaya, ipinadala na nila ang kopya ng dokumento sa opisina ni Mayor Sotto para marepaso nito at mabago kung mayroon itong nais amyendahan.
Nakasaad sa Peace Covenant ang kasunduan para sa isang ‘Friendly Political Campaign.
Sa ngayon, sinabi ng Pasig PIO na natanggap na ng alkalde ang liham kaninang umaga pero hindi niya pa ito nababasa. | ulat ni Diane Lear
