Ibinasura ng Pasig Regional Trial Court (RTC) Branch 169 ang hiling ng kampo ni Kingdom of Jesus Christ (KOJC) Leader Pastor Apollo Quiboloy na sumailalim sa house o hospital arrest ang pastor.
Ito ang kinumpirma ni Atty. Israelito Torreon, legal counsel ni Quiboloy, sa nangyaring arraignment para sa kasong qualified human trafficking ni Quiboloy na non-bailable sa Pasig RTC ngayong araw.
Ayon kay Atty. Torreon, nakatanggap sila ng order mula sa Pasig RTC Branch 159 na ibinasura nito ang kanilang hiling na i-house o hospital arrest ang pastor.
Ani Torreon, plano nilang maghain ng motion for reconsideration at umaasa silang mapagbibigyan ang kanilang hiling.
Hindi naman idinetalye ni Torreon ang dahilan kung bakit ibinasura ng korte ang kanilang hirit na house o hospital arrest. | ulat ni Diane Lear
