Bago mag-alas-5 ng madaling araw dumating sina Pangulong Ferdinand R. Marcos Jr. at First Lady Liza Marcos sa bansa mula sa Jakarata, Indonesia.
Ang Pangulo at ang Unang Ginang ay dumalo sa inagurasyon ni bagong Indonesian President Prabowo Subianto at Pangalawang Pangulo na si Gibran Rakabuming.
Sa impormasyong ibinahagi ni Presidential Communications Office Acting Secretary Cesar Chavez, nakalapag ang eroplanong sinasakyan ng Pangulo at ng First Lady ng bandang alas-4:45 kaninang umaga.
Samantala, tuloy-tuloy pa din ang mga magiging aktibidad ng Pangulo para sa araw na ito ayon kay Secretary Chavez.
Pawang private meetings ang nakalinya aniyang mga aktibidad ng Pangulo at kabilang na dito ang administrative meeting mamayang hapon.
