Tuloy na ngayong araw ang pagpapalabas ng hatol ng Sandiganbayan 3rd Division ukol sa plunder case na inihain laban kay Chief Presidential Legal Counsel Juan Ponce Enrile.
Pasado alas-8 ng umaga nang magkakasunod na pumasok sa back entrance ng Sandiganbayan sina Enrile at ang kanyang dating Chief-of-Staff na si Gigi Reyes.
Mahigpit ang seguridad na ipinatutupad sa loob at labas ng Anti-Graft Court para sa promulgation ng kaso na nakaiskedyul ng alas-8:30 ng umaga.
Matatandaang taong June, 2014 nang kasuhan ng Ombudsman sina Enrile, Jessica Lucila Reyes, Janet Lim Napoles, at dalawang iba pa ng plunder o pandarambong kaugnay sa Priority Development Assistance Fund (PDAF) o mas kilala bilang pork barrel scam. | ulat ni Merry Ann Bastasa
