Pormal nang isasalin ni outgoing Secretary Benhur Abalos ang pamumuno sa Department of the Interior and Local Government (DILG) sa bagong talagang kalihim na si Secretary Juanito Victor “Jonvic” Remulla.
Sa abiso ng DILG, isasagawa ang ceremonial turnover para sa bagong kalihim ng DILG mamayang alas-8 ng umaga sa DILG-Napolcom Center sa Quezon City.
Una na ring binati ng DILG ang bagong kalihim matapos pormal na manumpa kay Pangulong Ferdinand R. Marcos Jr., kahapon.
Sa pahayag ng DILG, ang malawak na karanasan ni Remulla sa ‘public service’ ay mag-aambag sa mabuting pamamahala sa lokal, kapayapaan, at kaayusan, at kaligtasan ng publiko. | ulat ni Merry Ann Bastasa
