Nagsimula na ring maglatag ang Valenzuela local government ng mga paghahanda para sa Ligtas Undas 2024.
Nakipagpulong na si Valenzuela Mayor Wes Gatchalian sa department heads at mga punong barangay para sa nalalapit na paggunita ng Undas sa lungsod.
Kasama sa tinalakay ang mga hakbang na kinakailangan upang masiguro ang kaayusan ng lungsod at seguridad ng mga Valenzuelano at dadayo pagpatak ng Nobyembre.
Pinag-usapan din ang paglilinis sa mga sementeryo, paghahanda ng emergency response teams, at pagbibigay ng mga gabay ukol sa mga alituntunin. | ulat ni Merry Ann Bastasa
