Winelcome ni Finance Secretary Ralph Recto ang mga delegado na mula sa Royal Government of Cambodia.
Nasa bansa ngayon ang Cambodian delegation para sa kanilang tatlong araw na excise taxation system study visit mula November 12 hanggang November 16, 2024.
Layon ng study visit na magbigay ng insights sa delegasyon ng Cambodia sa mga makabuluhang reporma ng Pilipinas sa excise taxation, para sa mga produktong tabako, sweetened beverages at alcohol products.
Ang naturang mga buwis ay suporta sa healthcare ng mga Pilipino.
Ang delegasyon ng Cambodia ay binubuo ng 26 na kalahok na pinamumunuan ng undersecretary ng Ministry of Health at Deputy Director General mula sa General of Policy. | ulat ni Melany Valdoz Reyes
