welcome kay senadora risa hontiveros ang memo na inilabas ng malakanyang para mag draft ng guidelines ang Cagayan Economic Zone Authority (CEZA) at ang Anti Money Laundering Council (AMLC) tungkol sa pagba-ban ng offshore gaming operations at services sa cagayan economic zone at free port.
ikinatuwa aniya ni hontiveros ang pagtugon ng office of the executive secretary sa kanyang panawagan na klaruhin ang butas sa executive order (EO) no. 74 ni pangulong ferdinand r. marcos jr.
una na kasing sinabi ng senadora na tila nae-exempt ang mga economic zones tulad ng CEZA sa POGO ban.
umaasa rin si hontiveros na maglalabas rin si ES bersamin ng parehong memoranda sa mga licensed casinos na tila patuloy na nagsasagawa ng offshore gaming operations.
sa ilalim kasi aniya ng EO ng malakanyang, may probisyon na nagsasabing hindi sakop ng ban ang online games of chance na ginagawa sa mga PAGCOR-operated licensed casinos o integrated resorts na may junket agreements.
naipakita na aniya nila sa nakaraan nilang pagdinig kung paanong naipagpapatuloy ng mga kumpanyang gaya ng 9Dynasty ang kanilang ilegal na aktibidad dahil sa exemption na ito.
muli ring nanawagan ang senadora sa malakanyang na suportahan na ang anti POGO bill para hindi lang nakadepende sa mga utos ng ehekutibo ang polisiya sa pagbabawal ng POGO operations sa pilipinas. | ulat ni Nimfa Asuncion
