Simula kaninang alas-12:01 ng madaling araw, isinara na ang ilang kalsada sa palibot ng Bonifacio Monument Circle sa Calookan City.
Ito ay para bigyang daan ang selebrasyon ng paggunita sa ika-161 anibersaryo ng kapanganakan ni Gat Andres Bonifacio ngayong araw, Nobyembre 30.
Ayon sa Metropolitan Manila Development Authority,ang road closures ay ipapatupad sa:
• MacArthur Highway mula sa kanto ng Calle Cuatro hanggang Monumento
• Samson Road mula sa kanto ng Lapu Lapu Street hanggang Monumento
• Rizal Ave. mula sa kanto ng 10th Ave. hanggang sa Monumento
• EDSA Northbound mula sa Gen. Rosendo Simon hanggang Monumento
Sa tulong na rin ng local government ng Caloocan, nagdeploy din ng traffic enforcers ang MMDA, mga miyembro ng Road Emergency Group at Mobile Patrol Unit sa mga apektadong lugar
Dahil dito, pinapayuhan ang mga motorista at truckers na gamitin muna ang itinalagang alternate routes para makaiwas sa abala. | ulat ni Rey Ferrer
